Ingio: Hohen Rätien (sur Tusan)
Cura: ils 2 avuost 2025, 10:00 – 17:00
In sonda, ils 2 avuost 2025, es l‘implant istoric Hohen Rätien il center dal pajais medieval. Quia s’inscuntra grond e pitschen da las 10:00 fin a las 17:00 ad ün di da giovar. Las sportas da desch museums grischuns spettan a tuot la famiglia: dats, zambriar buorsas da chürom e troclinas da s-chazis, disegnar ed ingiavinar, muglin, tic tac toe, trick-track, gö cun cifras, gö cun nuschs e dar sagls. Al grond turnier da gös (12:00 – 15:00) daja premis!
Uffants e giuvenils s’annunzchan pro la Stamparia Strada per üna plazza sco agüdant illa stamparia medievala dal fundatur Nuot Cla Janett. L’indschegn culla penna d‘ocha es dumandà ed eir l’abiltà da cumpuoner cun custabs da plom e stampar sco dürant il temp da Gutenberg.
