La collecziun

Fich superbi es il museum da sia richa collecziun da cudeschs istorics rumantschs. La gronda part dals circa 360 cudeschs sun gnüts stampats a Strada o in otras stamparias in Engiadina. Il museum voul dar üna survista cumpletta sur da las prümas stampas rumantschas in Engiadina Bassa.

Ils plü bels ed interessants cudeschs sun exposts. Fich important es quia la Sacra Bibla dal 1678, la prüma bibla tradüta cumplettamaing in vallader. Ün’ulteriura rarità es il plü vegl prodot stampà in Grischun chi’s cugnuoscha, dal 1549 a Poschiavo.

Cudeschs specials cumpletteschan la collecziun, sco il plü pitschen cudesch dal muond (surfatscha scritta 3.5 x 3.5mm), üna stupenda reproducziun da la Bibla da Gutenberg ed ün original restorà  dal «Thierbuch» da Conrad Gessner.

Cun ün schmach sül linc suotvart as poja verer üna tabella cun tuot las ouvras da la collecziun da la Stamparia Strada. Cun agüd da Lur program PDF pon Els tscherchar la glista culs titels, annadas o auturs. Fich gugent respuondaina Lur dumondas a reguard la collecziun per telefon (+41 81 866 32 24) o per posta electronica.