Bainvgnü aint il Museum Stamparia Strada! Aint in quista bella chasa engiadinaisa as rechattaiva dal 1689 fin dal 1881 üna stamparia renomnada. L’exposiziun permanenta muossa concretamaing co cha da quel temp gnivan fats cudeschs.
Üna collecziun importanta da prodots stampats in rumantsch tocca pro l’exposiziun permanenta. Las plü bellas ed interessantas ouvras sun expostas. Cultura d’abitar in Engiadina Bassa e musica, sco eir l’exposiziun speciala, cumpletteschan la sporta.
Il museum Stamparia Strada figürescha sülla glista da bains culturals svizzers d’importanza naziunala. Il museum vain manà biling e spordscha uschè üna cuntribuziun pel mantegnimaint da la jerta culturala rumantscha.
Quia pon Els s-chargiar ils documaints per la radunanza generala 2026 da la Società Stamparia Strada:
Atelier da stampa
L’atelier da stampa es in funcziun daspö l’on 2025 e vain ingrondi successivamaing. El pussibiltescha a las visitaduras ed als visitadurs da gnir activ in ün möd artistic-creativ cun instrucziun professiunala da la Stamparia.