Atelier da stampa
L’atelier da stampa es in funcziun daspö l’on 2025 e vain ingrondi successivamaing. El pussibiltescha a las visitaduras ed als visitadurs da gnir activ in ün möd artistic-creativ cun instrucziun professiunala da la Stamparia.
La stamparia vain manada da Christina Wildgrube (artista in residenza, Nairs) e dad Anna Neurohr (graficra, Ftan). Ellas spordschan üna seria da cuors captivants.
Parc da maschinas Stamparia Strada
(tuot ils indrizs indichats funcziunan)
Cumposiziun
- Maschina da cumpuoner Linotype (1958)
- Diversas scrittüras per cumposiziun manuala
- Squadra da cumpuoner, pincettas, navs eui.
- Divers clisches per ornamaints
- Cumposiziun da notas (be per specialists scolats)
Stampa
- Diversas pressas a chazzetta manuala (formats A6 – A4)
- Pressa da controlla per squitschs da prouva («Nudel», format A3)
- Pressa istorica a füs manual (reconstrucziun exacta da l’original chi’d es i’l Museum retic, sülla quala es gnüda stampada i’l 17avel tschientiner la prüma Bibla in rumantsch da l’Engiadina Bassa [vallader], format A3)
- Pressa da levagl a schnuogl (ca. 1820, format A3)
- Pressa svelta a stop da cilinders Rockstroh Dresden (otra otezza dals custabs, 24.600 mm in congual culs 23.567 mm üsitats in Svizra, format A3)
- Pressa da trar a man FAG (format A3)
- Automat a chazzetta Viktoria Rockstroh Dresden (format A4)
- Automat a chazzetta Heidelberger («Propeller», format A3)
- Pressa per stampa litografica (19-avel tschientiner, format A3)
- Pressa per ornamaints in folia
Liacudeschs, liadüra manuala
- Grond inventar dad üsaglias
Far palperi
- Cribels cun e sainza segns d’aua
- Pressas