Silvia Marti, la chaschiera da la fundaziun Stamparia e nossa feda da furtüna, ha trat la büs-cha ed ha tschernü a Benjamain Kern d’Effretikon sco vendschader dal gö dal temp d’immez. El survain ün bun da la dita Stöckenius da Scuol.
La Stamparia Strada fa eir part da l’exposiziun collectiva i’l Chantun Grischun sur dal temp d’immez. Mincha museum spordscha ün gö tematic chi s’affà cun quai chi vain expost. In nos museum poust candidar sco agüdant dal fundatur da la stamparia, Nuot Cla Janett. Ün païn indschegn culla penna d’ocha stoust avair e cumpuoner alchet cun las letras moviblas dal temp da Joannes Gutenberg. Illa Stamparia Strada poust muossar teis talent e far quist gö eir amo ils ons 2023 e 2024. Tü est cordialmaing invidada(-dà).
