Exposiziun speziala 2025/26
Selina Chönz – l’otra via
L’autura engiadinaisa Selina Chönz d’eira suvent ün pass ouravant a seis temp e cun curaschi è’la ida «otras vias». L’exposiziun speciala onurescha la vita e l’ouvra da l’autura cuntschainta, artista e criticra chi’d es dapü co be «Uorsin».
I sun passats 25 ons daspö la mort da Selina Chönz. In algordanza a quist term preschainta la Stamparia Strada sco prüm museum üna part dal relasch da Selina Chönz in ün’exposiziun chi muossa texts schurnalistics, istorgias in prosa, poesias e registraziuns in tun chi dan invistas fascinantas illa vita da l’autura. Si’ ouvra es daplü co seis cuntschaints cudeschs da pops fats insembel cun Alois Carigiet.
Selina Chönz, üna persunalità da ferm caracter ed artista visiunara: l’exposiziun bütta razs da glüm sün sia «otra via».
«L’exposiziun es pell’ Engiadin’Ota ed Engiadina Bassa üna schanza unica da preschantar per la prüma vouta üna renomnada duonna in tuot sia persunalità – ün’ artista chi scrivaiva e discurriva rumantsch, chi’d es creschüda sü in Engiadin’Ota e chi staiva e vivaiva a Guarda», disch Letizia Könz (Zuoz), curatura da l’exposiziun e mezza abiadia da Selina Chönz.
Ün punct culminant da l’exposiziun sun ils locals da lavur chi s’ha provà d’imitar e chi sun furnits cun objects originals da Selina Chönz e d’Alois Carigiet. Visitaduras e visitadurs resaintan l’atmosfera, illa quala duonna Selina scrivaiva ed ingio cha Alois Carigiet ha animà tuot cun seis cuntschaints disegns.
Impressum
Manadra da l’exposiziun
Letizia Könz (Zuoz)
Cooperaturs
Constant Könz (Zuoz), Thedi Gut (Stäfa), Alexandra Könz (Stäfa)
Texts, traducziuns
Letizia Könz
Ulteriurs cooperaturs
Maria Vital (Müstair)
Jon Armon Caflisch (Zürich)
Domenic Andry (Zuoz)
Silvia Marti (Martina)
Scenografia
Gasser Derungs (Chur/Zürich)
L’illustraziun dal dragun
Sara Zollinger (Bozen)
Construcziuns, installaziuns
Falegnamaria Curdin Müller (Strada)
Näff GmbH (Ramosch)
David Bühler (Zürich)
Aimara AG (Müstair)
Reclama
Flyers e placats Christina Wildgrube (Wittenberg), Thedi Gut, Gasser Derungs
Pressa: Thedi Gut
Website: David Bühler (Tschlin/Zürich)
Instagram: Insa Verbeck (Münster)
Prospect dal museum: David Bühler (Tschlin/Zürich)
Survaglianza, mantegnimaint
Ottiglia Augustin, Barbla Sulser, Jon Candrian, Georg Häfner, Gian Häfner
Sponsurs
No ingrazchain da cour per il sustegn generus (31.10.2025):
Corporaziun Energia Engiadina CEE
Karitative Stiftung Gerber-ten Bosch
Amt für Kultur Graubünden
Ernst Göhner Stiftung
Oertli Stiftung
Tino Walz Stiftung
Biblioteca Engiadinaisa
Historisch-Antiquarischer Fonds Familie von Planta
Stiftung Stavros S. Niarchos
Lia Rumantscha
Stiftung Valentin Malamoud
Willy Muntwyler-Stiftung
Graubündner Kantonalbank
Stiftung Jacques Bischofberger
Cumün da Zernez