La Stamparia Strada s’allegra d’ingrondir seis effectiv da maschinas i’l lavuratori da stampa.
Grazcha al generus dun da Fritz Abt (Sissach) po la Stamparia tour in funcziun per la prüma jada üna pressa da sgommar. La maschina i’l format da 75 x 150 cm es adattada per stampar sgommas, aquatinta o aguoglia fraida.
Pro’l Typorama Bischofszell es gnüda procurada üna pressa da stampar manuala FAG. Insembel cun l’indriz da FAG sumgliaint fingià existent permetta quai a las partecipantas ed als partecipants da noss cuors da stampa d’experimentar sainza retard da temp cun cumbinaziuns da culur e da decurs captivantas.