Unità, discordia, vaschinanza: Il cunfin il plü nouv da la Svizra
L’ultim grond spostamaint da cunfin es capità dal 1868 in Engiadina Bassa, 20 ons davo la fundaziun da la Confederaziun. L’exposiziun muossa l’istorgia fascinanta, co chi s’han fuormadas dad ün territori omogen dal temp medieval trais regiuns cun linguas, confessiuns e naziunalitats differentas chi sun separadas da cunfins. Culs cunfins ha cumanzà la cuntrabanda. Quella es gnüda pratichada intensivamaing fin i’ls ons 1970. La Stamparia tradischa misteris dals cuntrabandiers e muossa che chi manaivan adascus sur ils cunfins.